Qızıl Zəmanət şərtləri

Qızıl zəmanət aşağıda qeyd olunan məhsullara və hissələrə verilir:

Mobil cihaz, planşet, televizor

- Ekran

- Plata (iPhone-a şamil edilmir)

Qızıl Zəmanətin tarifləri

Müddət	Ödəniş üsulu	Ödəniləcək
1 il (bir il)	Nağd	8 %
1 il (bir il)	Hissəli alış	12 %

Məhsulun təmiri mümkün olmadığı halda kompensasiya şərtləri

Dövr	Kompensasiya faizi
1-3 ay	75 %
4-5 ay	60 %
6-7 ay	45 %
8-9 ay	50 %
10-11 ay	15 %
12 ay	5 %

Ümumi şərtlər

Məhsulun təmir müddəti 14 iş günü, ehtiyat hissə olmadıqda isə 45 iş gününə qədər uzadıla bilər.
Məhsulun mexaniki zədələnməsi və ya maye keçməsi halında təmir Barkod servisi tərəfindən həyata keçirilir və ya kompensasiya olunur.
Qızıl zəmanət istehsalçı qüsurlarına deyil, mexaniki zədələrə və istifadə zamanı baş verən hallara (ekran sınması, maye keçməsi, plata zədələnməsi və s.) şamil olunur.
Zədələnmiş hissə yalnız 1 dəfə dəyişdirilə və ya təmir oluna bilər.
Hissəli ödənişlə alınan məhsullarda öhdəlik yerinə yetirilmədiyi halda zəmanət qüvvədən düşür.
Gecikmiş ödəniş bərpa olunduqda zəmanət yenidən aktivləşir.
Təmir olunmuş hissəyə 30 təqvim günü zəmanət verilir.
Rəsmi servis icranı 3-cü tərəfə ötürə bilər; bu halda məsuliyyət Barkod şirkətinin üzərində qalır.
Rəsmi servisdən kənar müdaxilə (başqa usta, müştəri və s.) aşkar olunarsa zəmanət ləğv olunur.
Təmir üçün təqdim edilən məhsulun yararlılıq dərəcəsi yalnız rəsmi servis tərəfindən müəyyən olunur.
Müştəri cihazdakı məlumatları öz vəzifəsi kimi köçürməlidir; servis məlumat itkisindən məsuliyyət daşımır.
Təmir olunmuş məhsul 90 gün ərzində götürülməzsə, servis saxlanma haqqı tələb edə bilər.
Barkod şirkəti bu şərtləri dəyişmək və ya əlavələr etmək hüququnu özündə saxlayır.

Qızıl Zəmanət Sertifikatına daxil deyil

- Korpus

- Batareya

- Aksesuarlar

- SIM kart yuvası

- Adapter, birləşdirici kabel

- Hesab (şəxsi hesab) kod açılması

- Kənar şəxslərin müdaxiləsi

VİP Zəmanət Sertifikatının üstünlükləri

Standart zəmanət müddətindən əlavə olaraq 1 və ya 2 ilədək uzadılmış texniki xidmət göstərilir.
Məhsulda istehsal qüsurları aşkar olunduqda, həmin qüsurlar ödənişsiz aradan qaldırılır.
Məhsulun istifadə qaydaları və texniki xidmətlə bağlı suallara cavab verən çağrı mərkəzi xidməti mövcuddur.
Məhsulun təmiri mümkün olmadıqda, Barkod mağazalar şəbəkəsində müştəriyə həmin məhsulun satış müqaviləsində göstərilən məbləğə uyğun yeni məhsul təqdim olunur.

VİP Zəmanət şərtlərinə daxil olan hissələr

VİP zəmanət müddətində xidmət, istehsalçı tərəfindən müəyyən edilmiş zəmanət şərtləri əsasında göstərilir.

Soyuducu : kompressor, ventilyator mühərriki, sensor, klapanlar, vaxt tənzimləyici, termostat

Paltaryuyan : mühərrik, silindr (baraban), çən, nasos, qızdırıcı

Qabyuyan : mühərrik, silindr (baraban), çən, nasos, qızdırıcı, sensor, su sayğacı

Bişirmə avadanlıqları : alışdırma bloku, ventillər, birləşdirici

Aspirator : mühərrik, idarəetmə düymələri, qapaq tənzimləmə mexanizmi

Kondisioner : kompressor, dörd yollu klapan, kapilyar boru, radiator, sensor, addım mühərriki

TV : qida bloku, lent birləşdiricilər, Wi-Fi modulu

Monitor : sensor, idarəetmə bloku

Quruducu : mühərrik, nasos, qapı kilidi, qızdırıcı, sensorlar, silindr (baraban), sayğac, kompressor

Kombi : nasos, klapan, sensorlar, qaz ventili, yanma kamerası, istilik dəyişdiricisi, ventilyator mühərriki

Tozsoran : mühərrik

Notbuk : sərt disk (HDD yaddaş), operativ yaddaş, optik disk oxuyucu

Ev kinoteatrı : idarəetmə bloku, disk oxuyucu

Soundbar : idarəetmə bloku

Musiqi mərkəzi : idarəetmə bloku, disk oxuyucu

Qəhvə dəmləyən : üyüdücü blok, qızdırıcı

Ətçəkən : mühərrik, ötürücü reduktor

Buxar generatorlu ütü : nasos, qızdırıcı, su çəni, klapan, idarəetmə bloku

Əlavə zəmanət müddəti tətbiq edilən markalar

- Samsung markalı soyuducu, paltaryuyan, qabyuyan, kondisioner, soba, bişirmə paneli, mikrodalğalı soba və aspiratorlara əlavə 2 il zəmanət tətbiq olunur.

- LG markalı soyuducu, paltaryuyan, qabyuyan, kondisioner, soba, bişirmə paneli, mikrodalğalı soba və aspiratorlara əlavə 2 il zəmanət tətbiq olunur.

- Bosch markalı soyuducu, paltaryuyan, qabyuyan, quruducu, soba, bişirmə paneli, kondisioner, mikrodalğalı soba və aspiratorlara əlavə 2 il zəmanət tətbiq olunur.

- Digər brendlər üzrə kondisioner, TV, kombi, tozsoran, ev kinoteatrı, soundbar, musiqi mərkəzi, qəhvə dəmləyən və buxar generatorlu ütülərə istehsalçının təqdim etdiyi zəmanət müddəti qədər əlavə zəmanət verilir.

VİP Zəmanət Sertifikatına daxil olmayan hallar

- Zəmanət və pulsuz texniki xidmət məhsulun aksesuarlarına (asanca ayrılan və ayrıca istifadə edilə bilən hissələrə) şamil edilmir.

- Məişət istifadəsi üçün nəzərdə tutulan məhsullar sahibkarlıq fəaliyyəti və ya təyinatına uyğun olmayan digər məqsədlərlə istifadə olunduqda zəmanət qüvvədən düşür.

- Məhsulda Barkod şirkətinin rəsmi servisindən kənar təmir cəhdi və ya müdaxilə aşkar edilərsə, zəmanət etibarsız sayılır.

- Naməlum səbəblərdən, xoşagəlməz hadisələr, ehtiyatsızlıq və ya üçüncü şəxslərin müdaxiləsi nəticəsində yaranan zədələnmələr zəmanətə daxil deyil.

- Rütubət, yüksək və ya aşağı temperatur, korroziya, oksidləşmə və ya məhsulun içərisinə yad cisimlərin daxil olması nəticəsində yaranan zədələr zəmanətə daxil deyil.

Televizor Samsung UE55DU8000UXCE